柯有綸今年三月在台灣推出新專輯《One Day》，終償心願首次以歌手身份來港，他謂：「本來冇安排我嚟，係我主動提出，始終自己喺香港長大，都想話畀人聽，好多人都唔知我有做音樂。」
柯有綸指新碟概念源自兒時願望：「我十八歲嗰陣已經同陳國坤夾band，當時成日諗One Day我哋會拍電影、One Day我哋會組band。（達成目標？）我覺得到咗，雖然唔係好高，但已經好好成績，不過我都未滿意，希望喺台灣企穩陣腳再返香港，我要衣錦還鄉！」柯有綸又指今年是工作年，感情暫時擱置。話雖如此，他仍禁不住說：「最想第時女朋友可以煮飯畀我食，人愈大愈想被人照顧。」
場地：銅鑼灣海景酒店
