楊洛婷（Rabeea）天生皮膚白滑，原來她對護膚甚為講究，曾試過隔星期以燕窩進補，及後認為太昂貴才改為每天進食蜜糖，而她亦會以蜜糖混合紅酒當面膜。雖然對美容頗有心得，但Rabeea卻無意出書，她謂：「真係冇諗過，都係比較鍾意教啲朋友去邊度食好嘢。」
Rabeea自言經常四圍搵食，乃朋友心目中的「Open Rice」，她表示：「只要佢哋講想喺邊區食、Budget幾多同邊個國家嘅菜，我都可以幫到手，之前主持過節目，試過好多唔同菜式，都可以推介到畀朋友嘅。」Rabeea日前出發到新加坡為好友婚禮當司儀，順道喪買兼喪食，Rabeea說：「我好掛住當地嘅海南雞飯同喇沙，試過打包雞飯返香港，之後每日叮一盒食，我連雞皮都食埋，真係好好味。」