21/08/2009

播放本新聞相關短片

陳偉霆地獄式減壓虐待partner

本文重點
陳偉霆(William)及鍾舒漫(Sherman)日前出席宣傳減壓及抗濫藥的校園活動,Sherman身穿小背心上陣。William自爆愛上近乎「自虐式」的運動,搞到陪跑的司機嘔白泡,矢言不再應William的約。

William及Sherman日前應邀出席校園活動,和LP174團體齊齊向學生們宣揚「與愛同行,我心飛揚」訊息,二人除獻歌藝外,又和學生們玩砌報紙塔遊戲。全情投入的Sherman掛住砌報紙,竟忘了身穿低胸小背心,當她彎身時不慎走光,要勞煩助手提醒。而William的精湛舞技就獲在場者如雷掌聲。

問到Sherman可知走光?她一臉茫然的說:「冇啩?我打埋底,好安全。」她覺得都市人每日都活在壓力中,而她的減壓方法是看書及向身邊好友傾訴。至於她最無助及迷茫的困難時刻,就是發生在剛入行時,她說:「我贏咗唱歌比賽簽咗英皇,點知突然間失聲,講說話都好難,想唱歌根本冇可能,我一心諗住終於可以圓唱歌嘅心願,點知又有口難言。」幸好她懂得自我開解,經過一年的治療後,聲帶康復可再唱歌。

司機陪跑嘔吐

而William就自爆愛做運動減壓,他說:「我鍾意瘋狂做運動,做到自己頂唔順先至停。」最記得有次相約助手和司機到九龍塘跑步,由於他跑得太快,令隨尾的助手及司機追到氣咳,司機跑到尾聲時更不支嘔吐,以後再也不肯陪William做運動。

採訪:音樂組

邊個港姐最靚?立即投票!
詳情瀏覽on.cc《香港小姐2009》