方大同昨日出席記者會，會上他揀了Eric Clapton的《Change The World》為「生命中最受觸動的一首歌」，並謂首歌影響了自己音樂創作：「我鍾意喺生活上每一個角落搵靈感。（唔開心就聽音樂？）自己情緒波動比較小，想放鬆嘅時候，就鍾意聽jazz。」記者會上，主辦單位送上健胸繩給方大同，希望他加以操練，練到成「方大胸」，方大同聞言笑謂：「呢排比較少做運動，都要勤力啲。」
問及台灣災情，方大同表示九月之後才會到台灣做宣傳、演唱會綵排活動，演唱會門票無受到水災影響：「第一場門票已經賣晒㗎啦，第二場都賣得幾好。本身有位台灣粉絲會嚟香港聽演唱會，最後佢都決定去台南幫手。」
