黃秋生前晚缺席電影祝捷晚宴，令人聯想他對無綫怒氣未消，吳鎮宇幫口澄清並無此事，但卻稱自己片酬只是一封利是，唱秋生收數百萬片酬，似搶無綫錢。
兩大影帝吳鎮宇、黃秋生、謝天華、葉翠翠和陳法拉等主演的新戲《Laughing Gor之變節》票房至前日為止已衝破七百五十萬大關，監製梁家樹、導演邱禮濤和樂易玲與一眾台前幕後人員前晚出席祝捷晚宴，場面熱鬧。
僅收一封利是
黃秋生繼首映夜沒有位坐離場抗議後，前晚又缺席祝捷晚宴，難免令人聯想其怒火未消。鎮宇雖然幫秋生澄清因工作而未能出席，但全晚將對方作為笑柄：「佢唔係嬲，等所有人入晒席，有位先叫佢嚟。佢唔嚟又可能因為票房太偉大，覺得自己擔當唔起。」
有傳電影公司考慮開拍續集，問鎮宇會否加價演出？他笑稱是無綫訓練班出身：「我一封利是就OK，唔似秋生攞幾百萬，我都係睇報紙講咋。（咁你會唔會再演出？）等真係開先算啦！依家咁多電影開續集，風頭火勢。」
考慮會否合作
樂易玲強調秋生在大陸趕戲故未能出席，她說：「唔係嬲！我有打電話畀佢，佢走之前已經同佢慶祝過。」雖然「邵氏」將開拍多套電影，包括曾志偉執導的《七十二家租客》、賀歲片及跟英皇合作的電影等，樂小姐坦言《七》動用很多電視和電影人，但問到會否再找秋生演出時，她卻說：「我要同監製傾下，想下先。（驚咗佢？）唔會，我覺得佢好可愛，性格藝人，有性格貫徹始終。」
文：影視組