被網友嘲為「走音天后」的謝安琪（Kay）最近負面新聞不絕，繼與同門師兄陳奕迅（Eason）傳緋聞後，前晚擔任聯校歌唱大賽時，慘被台下觀眾高呼叫她「收皮」及「唔好走音」，被嚇呆的Kay事後坦言：「梗係唔開心啦！」
前晚Kay、張敬軒及Mr.等歌手擔任「中學生聯校歌唱大賽2009-SUPERnova」表演嘉賓。Kay抵埗前透過工作人員表示患上感冒而不接受傳媒訪問。
承認唔開心
Kay甫出場即為兩名參賽者打氣，期間台下有男歌迷連續兩次高叫：「唔好走音呀！」站在台上的Kay露出尷尬神情，但仍鎮定回應：「好啦、好啦！」然而此時再傳出另一名女觀眾大叫：「收皮啦！」Kay即時嚇得目瞪口呆。
患上感冒的Kay聲音沙啞，獻唱期間明顯不夠氣。演唱完後，Kay卻又透過工作人員表示願意受訪。對於台下有觀眾喝倒采，她說：「我聽到一個，第一次聽到呢啲『好心』提示，無論佢出於好意定惡意，我諗現場觀眾都好支持我。做歌手難免狀態唔好，我今日有少少破喉都唱得唔好！」她坦承為此不快：「覺得好突然，無端端有人咁講，做歌手就要面對呢啲壓力，要檢討。同埋本身我個肺同氣管唔好，容易受感染，要再注意吓！」
為災民而喊
談及連日來被負面新聞纏身，Kay無奈表示：「費事諗咁多，首要係身體健康，將工作做好，呢個世界唔會所有人都鍾意自己，問心無愧就夠！」另外，有傳Kay在賑災活動上，因被唱片公司禁與Eason碰面而淚灑當場，Kay謂沒有看過該報道，並說：「演藝界咁快可以搞到一個賑災活動去幫助啲災民，覺得好感動。同埋我係睇到開幕時啲災民搞到家破人亡好淒涼先喊，我冇喺後台喊，之後仲收拾心情同李克勤合唱。」
文：音樂組