Stephy前日發燒仍出席公開活動，並透露貼身助手確診豬流感，經過一晚休息的Stephy由於未退燒，昨午急往求診，結果被確診染上豬流感，醫生建議她自行返家休息。
成為第一個藝人染上豬流感的Stephy，過去七日除了在港出席多個活動，亦有到廣州為一品牌啤酒做宣傳，期間與不少當地人握手及影合照；而周日舉行的《Summer Pop Live in HK》音樂會、周一晚的《8‧8水災關愛行動》Stephy亦有參演，雖然當時未有見她不適，不過以昨日確診豬流感的日子推算，該兩晚可說是「風險期」，對於共用一支咪及曾影大合照的歌手藝人而言，已成高危一族。而在較早前，Stephy亦曾與到港的國家女排在活動上作近距離接觸。
與小朋友貼身合照
緋聞男友方力申主演的電影《機器俠》周二晚舉行首映禮，Stephy自然是座上客之一，二人屢傳緋聞，而且經常碰面，小方隨時會「接收」Stephy的病毒。身在內地為電影宣傳的方力申亦從唱片公司同事口中得知Stephy「中招」，金牌發言人陳小姐說：「佢依家身體冇事、冇病徵，身體狀況OK，自從嗰日首映見過面後，大家就分道揚鑣，祝佢好早康復。」
前日與余文樂一同出席相機宣傳的Stephy，當時已出現發燒及喉嚨痛徵狀，不過Stephy全無避忌，在活動中更與樂仔及一名小朋友貼身合照。樂仔助手回應：「已第一時間通知咗阿樂，佢嘅反應係冇得驚，為穩陣起見會去驗，亦會通知番呢幾日接觸過嘅人，以防萬一。」
對於Stephy確診豬流感，金牌大風陳小姐承認Stephy昨午經醫生診斷後確診豬流感：「Stephy啱啱確診咗，不過係好初期，唔係太嚴重，醫生建議佢休息三幾日。（唔需要隔離？）醫生只係叫佢留家休息，佢都好想休息，等佢休息夠先開工。」問到工作是否受影響？陳小姐說：「改動緊，依家安排中。（Stephy聽到確診有咩反應？）佢唔係好唔舒服嗰隻，徵狀好少，當然佢會唔開心。（係咪畀助手感染？）唔咁諗，因為佢咁長時間一齊工作。」問到公司有否防範措施？陳小姐說：「盡量戴口罩同有病要出聲。（係咪會叫歌手少啲返公司？）全部都喺出面做嘢。」
吳雨霏發燒兼咳嗽
陳奕迅（Eason）及房祖名在《8‧8水災關愛行動》中站在Stephy左右，據知Eason現身在台灣錄音，唱片公司表示會盡快通知Eason，會叮囑他小心留意身體狀況。跟Stephy同一助手的側田則透過公司回應說：「祝佢哋早日康復。」
日前以性感低胸裝的A.Lin亦有與Stephy同場出席活動，昨日她愕然說：「吓！係真㗎？早前同佢同場，雖然我哋冇傾過偈，但佢喺後台坐喺我對面。（擔心佢傳染你？）唔擔心，我上星期已有發燒，睇咗醫生已經退咗，依家仲有啲喉嚨痛。」
昨日有傳吳雨霏（Kary）亦染上豬流感，Kary透過短訊回覆記者，承認有咳及發燒：「我咳同發燒，但驗了冇事，依家已經退燒，明天應該復工，不用擔心。 」
採訪：音樂組