由劉鎮偉執導的新片《機器俠》前晚首映，胡軍專程來港兩天協助宣傳，不過電影公司卻全力催谷方力申，既讓他坐林寶堅尼到場、還請來方父上台發言，及即場上演一幕「方力申向鄧麗欣獻花」，結果胡軍臨場失去蹤影以示不滿。當記者向公關查問時，對方只淡然謂：「胡軍做咗成日訪問，佢有少少唔舒服囉！」昨日有關方面則指胡軍以「私人理由」缺席首映，其經理人王京花則一直以開會不作回應，令事件更加添上疑團，現身首映的還有李曼筠。

胡 軍	李曼筠特地買細兩個碼的胸圍，在扣得緊的情況下可防走光。

父親帶來驚喜

小方全晚成為風頭躉，方父更帶來內地油畫家駱太生依照小方在片中造型繪製而成的巨型壁畫，實行給兒子製造驚喜。方父發言時，除落力大讚《機》片好看外，更謂：「我個仔九年嚟行行企企、企企行行都遇到好多伯樂，好似黃栢高、雷頌德同劉鎮偉等。」事後小方亦大表贊同。

至於導演刻意找來鄧麗欣（Stephy）為女主角孫儷配音，為要令小方加倍投入感情，他大方謂：「係容易投入啲，兩個人喺配音室，點都好過一個人啩！」由於《機》片乃「中國第一部科幻電影」，其拷貝將收藏於「中國電影博物館」內，小方今回可謂光宗耀祖吧！

文：影視組