Janice昨日出席活動時穿短裙露長腿坐在花轎上，由赤膊的大隻港男黃文迪（Dickson）任轎伕，架子十足！現場放有一赤裸上身但不見樣貌的男星海報，舉行競猜遊戲誰是拍攝的男星。

吳彥祖	Janice Man昨日坐花轎，被半裸黃文迪抬出場，認真巴閉。

興奮合照

Janice自爆十分喜歡吳彥祖，故猜海報主角是偶像：「試過有次喺party見到佢，當時佢着住背心，見到佢啲肌肉，好有型！又有一次老闆生日一齊食飯，我見到佢時面都紅晒，但唔敢同佢影相，反而係Leon（黎明）撮合幫我揸機影合照。」能與夢中情人合照，令她大為興奮。

少咗聯絡

擔任司儀的楊崢大讚以前同屬一間model公司的Janice談吐大方有禮，可塑性高，並指新一代model冇乜禮貌。港男Dickson被問及與呂慧儀分手一事，扮傻說：「朋友唔會分手，近來佢好忙，係少咗聯絡。（有指佢嫌棄你？）係咩？咁就要問番佢，我唔會因為工作而疏遠朋友囉！」

文：名人組