林峯的演唱會CD＋DVD銷量跨越白金（3萬張），前晚英皇筵開6席大擦花膠扒慶功，吳雨、霍汶希、樂易玲到賀愛將，林峯意氣風發說：「睇中咗部百萬靚車獎勵自己，依家睇吓有冇discount。（追女戰車？）從來冇用過呢個功能，我會搵4座位。」
問銷量衝破3白金（9萬張）會否搞T-back派對狂歡？林峯聞言O晒嘴，英皇高層即笑着解圍：「唔怕，去到8萬幾即截貨。」林峯笑說：「咁我唔驚，即刻應承。（想睇邊個着T-back？）個唱嘉賓謝天華、王祖藍囉。（女仔呢？）未睇過嗰啲……全部都未睇過，唔好再講，愈講愈錯。」
