周麗淇、陳貝兒、林珊珊及焦媛昨日出席公開活動，問到Niki是否問關心妍攞嫁女餅卡？她一臉愕然說：「我冇同佢攞餅卡，係咪誤會？（佢話你問佢攞。）賑災騷當晚出場係見到面，大家Say Hello打招呼，我都有恭喜佢。」隨即疑惑說：「點會問佢攞呀？」

「佢請先算啦」

由於兩人多次傳出不和，問到是否不和升級？Niki說：「唔好用呢個方向諗，可能佢記錯呢？結婚開心事，不過我就唔會主動問佢攞。（有冇請你飲？）佢請而我有時間一定去，佢請先算啦。」

就事件致電Jade，當聽到Niki否認問攞餅卡，即語塞不懂回應，接住推翻早前的講法，她說：「我係話我會請佢十一月嚟飲，係話我欠佢餅卡，唔係佢問我攞餅卡。」問到是否記者誤會其意思？Jade說：「我冇話佢問我攞餅卡，應該聽錯咗。」

擔心掟鏹水彈

另外，Jade昨日到旺角鬧市出席賣旗活動，問到擔不擔心被鹹豬手？她說：「唔擔心，反而擔心有人掟鏹水彈。」Jade又透露多年前因感情問題差點自殺，但現時就有未來老公為她分擔開心與不開心，反而跟母親少了談心，問她母親會否呷醋？Jade笑言：「我媽咪不知幾開心就真，因為唔使再煩住佢令佢擔心！」

採訪：音樂組