動畫《超鼠特攻》前晚舉行首映禮，有份配音的緋聞情侶陳偉霆、Angelababy及李思捷等出席撐場，而o靚模胡心諾（Rainbow）亦有現身。陳偉霆及Baby二人齊以黑衫上陣，甚有情侶裝味道。問陳偉霆睇首映時會否與Baby同坐？他說：「唔知係咪喎。都想，好耐冇一齊坐，好開心見到佢，我有約過佢睇戲，不過佢長時間唔喺香港。（首映先拍到拖？）唔係嘅。」而問Baby是否很久沒有跟陳偉霆齊齊睇戲？她則表示：「一直都有同好朋友一齊睇戲。（一齊坐？）好少一齊坐，一班朋友睇，排位唔係我控制。」
對於鍾蕙芝（Lavina）被指坐枱陪老細一事，Baby表示不清楚所以不評論，但認為所有女仔也要尊重自己。
同場的Rainbow則力撐Lavina，表示該場合只是電影發布會後的慶功宴，指Lavina被「屈」。
此外，陳偉霆及Baby睇完首映後，據知同車會合一班朋友食消夜，Baby經理人表示：「咁夜都約唔到其他人食嘢，一齊食好正常！」