《2009亞洲小姐競選》港澳賽區昨日在奧海城進行第二輪面試，二十五位參賽者先後以自選三點式泳裝及便服在商場內以catwalk形式亮相，由擔任評判的鮑起靜、黎燕珊、張文慈和姚佳雯等即場評分，吸引不少拍友「獵艷」。

來自上海的「o靚版關之琳」(7)仝曉燕身材呼之欲出。	放大圖片	今屆港姐被彈身材平平。 （資料圖片）

D、E cup盡現

亞姐首輪面試被彈質素更遜港姐，原來亞視另有後着，秘密約見有質素的佳麗，其中被視為秘密武器的「o靚版關之琳」(7)仝曉燕，除了天生明星相外，身材極有睇頭，出場即見big波蕩漾，胸前現七寸深坑。據知大會本有泳衣安排，但因她的身材大得「誇張」，未有泳衣合身。仝曉燕接受訪問時透露上圍達D cup。對於被指貌似關之琳，她說：「你哋話我似關之琳和周慧敏，我自己覺得唔似。」

除了仝曉燕「乳出驚人」外，(17)陳麗玲和(27)丘倩亦屬有料之人，擁有E cup上圍的陳麗玲指身材是母親遺傳，保證是天生未經加工。而丘倩的上圍亦達D cup，她坦言豐滿身材令她參選有信心。

(17)陳麗玲雖然身材有睇頭，但皮膚卻欠滑溜。	(15)馮綺雯身材唔輸蝕。	來自內地參賽者(27)丘倩，上圍洶湧。
亞姐複試在奧海城商場內進行，吸引不少拍友「獵艷」。

王希瑤積蓄買靚車

至於在首輪面試中被譽為「一枝獨秀」的「翻版李嘉欣」(1)王希瑤，亦順利進身第二輪面試，她在台上自我介紹時說：「我好鍾意車，曾經用晒啲積蓄嚟買咗架波子同SLK。」在澳門出生的台灣人王希瑤似乎相當「有米」，被問到可有捐款賑災？她說：「有呀，叫咗Daddy捐廿萬。」雖然佳麗以自選泳裝亮相，但(8)戴瑞珊、(9)陸瑞汶下身卻「現形」，實在百密一疏。

另外，評判即場選出心水佳麗，鮑起靜睇中(8)戴瑞珊、黎燕珊選了(1)王希瑤、張文慈和姚佳雯則分別揀選(7)仝曉燕及(3)楊凌智。姚佳雯被問到亞姐質素如何？她說：「我覺得好過港姐喎，佢哋好多個身材同學歷都好高。」張文慈亦讚亞姐靚過港姐，她說：「喺後台見到(7)，身材勁，近年選美嘅女仔身材都好好，可能營養問題啦。」對於亞視減藝員薪酬，張文慈說：「我都知道唔可以獨善其身，明年二月約滿，如果減到維持唔到生活，惟有放棄啦。」

採訪：影視組