佘詩曼、曹敏莉、賈曉晨、梁烈唯昨日出席無綫新劇《絕代商驕》宣傳活動，期間提到阿佘緋聞男友鄭嘉穎昨日正日牛一，問到阿佘晚上會否與嘉穎慶祝生日？她立即表示：「係咩！佢生日咩？祝佢生日快樂，會send SMS畀佢。（今晚會唔會一齊食飯？）我諗唔會，如果有時間都可以嘅，不過嚟緊我又要去夏威夷。（會唔會送禮物畀佢？）我生日佢都冇送禮物，所以要考慮吓，除非佢下年有送嘢畀我啦。」
此外，曹敏莉對於徐淑敏閃電結婚一事，她表示會祝福對方，但她謂：「我自己最終都會結婚生仔，不過接受唔到咁突然，希望婚後先有BB。」而同場賈曉晨玩遊戲時，被梁烈唯以水泡餅碎噴面，事後她表示覺得有點不衞生。
