曾揚言希望成為男士們性幻想對像的o靚模周秀娜（Chrissie），昨日慘遭一名男子，當着她面大聲以粗言穢語叫囂，當時正在台上的Chrissie不禁面露尷尬神色。而事後Chrissie表示只聽到對方讚她對靴好靚，並懷疑叫囂的男子情緒有問題。
昨日Chrissie現身旺角一個商場，以斜肩上衣配熱褲和高跟鞋現身的她，大騷香肩和長腿，吸引不少電車男撐場並狂拍照，猶如螞蟻摟蜜糖，令現場擠得水洩不通。
警方急到場調停
Chrissie與現場觀眾大玩遊戲，原本高高興興，但台下一名穿黑衣的男子突然以粗口向她叫囂，令她大感尷尬。
該男子從外表看年約三十餘歲，他獨自一人扶着欄杆，不停大叫「你個×好×靚……」，對現場造成極大滋擾，商場公關阻止無效下，決定報警。
警察到場後，該男子仍大聲反駁：「冇言論自由？唔畀講嘢呀？」，態度囂張，直至Chrissie離開現場，事件才得以平息。
聽到「對靴好靚」
事後Chrissie回應被人粗口問候一事時，即稱自己聽不到有關言論：「我聽唔到喎，我淨係聽到佢話我對靴好靚，我都冇着靴，我鍾意着高跟鞋，呢個世界有唔同嘅人，或者佢精神有問題，建議佢唔好出咁多街。天氣熱呀，希望佢快啲好番，佢都好慘，要人幫忙。（你之前嘅性幻想言論惹出禍？）之前嘅意思係每個女仔都有特質，有靚嘅一面，每個男仔都有夢中情人，我意思係好開心成為佢哋鍾意嘅人，我之前講得唔清楚，唔好意思。（覺唔覺得自己言論過咗火？）過咗去，算啦！以後講嘢會清楚啲，唔好咁多懶音，係有呢啲人存在，我哋要容納唔同嘅人。」
Chrissie自言第一次遇上這些場面，但認為自己可以處理到。她謂以後會繼續到旺角shopping，但一定會找朋友相伴。
文：名人組