鍾蕙芝（Lavina）食正o靚模熱潮，加上身材玲瓏浮凸，迅即成為不少宅男心中女神。不過，最近Lavina頻頻於深夜收到不明來歷電話，她說：「好多電話打嚟叫我去試鏡，然後叫我夜晚出去，我覺得好奇怪，即刻同經理人溝通，佢同我分析基本上唔會有客戶有我電話，根本無可能咁樣打嚟。」

援交損女性尊嚴

對於最近盛傳o靚模援交，Lavina說：「唔係所有人都會援交，我覺得賺錢要靠自己勞力，援交有損女性尊嚴。」Lavina坦言不介意成為別人的性幻想對象，但不希望發展只限於此，祈望別人能了解她其他方面的專長多點。

Lavina昨日於其Blog內有感而發地自問「為何跌進大染缸？」她表示最初只想做一個產品推廣大使，想不到會入娛圈，畢業時曾打算到澳洲過一年working holiday，也因入行而未能起行，但這個願望至今未忘，希望有一天會實現。

文：影視組