古天樂、大S、動漫Maggie（李曼筠）及王晶等前晚為新片《大內密探靈靈狗》慶功，預祝在內地已狂收七千多萬人民幣的同時，本周票房可突破一億。

拍張家輝謝霆鋒

姍姍來遲的大S說：「啱啱喺內地出席完腕錶活動趕過嚟，好開心新片票房好，王晶有畀新劇本我，聽到同張家輝、謝霆鋒合作好開心，家輝好好人，霆鋒拍打戲認真，同佢哋合作可以學到嘢，我親身上陣拍打都得。」對於台灣打風造成死傷枕藉，大S亦即時伸出援手，她說：「我同妹妹小S嘅基金已經撥捐咗款項賑災，我有親戚喺慈善團體做，會了解有乜可以幫手。」

古天樂亦與大S一樣關心災民，他說：「我託咗朋友捐物資，（想同大S再合作？）合作兩次反應都好，我樂於再合作。（《竊》片同《大》片都大收，你私下會再慶功？）之後同《竊》片班底合作《槍王之王》，或者到時片場萬歲。」

李曼筠學功夫

新片勁收，王晶即滿腹大計，他說：「現時有四部片在手，會搵張家輝、謝霆鋒、大S、蔡卓妍、吳君如等合作，要食住港片喺內地個勢，希望重返當年嘅全盛時期。」

一身性感打扮的李曼筠則說：「稍後會多接笑片，我跟老師學緊演戲，又跟樊少皇學功夫，但佢好忙，只係上過兩、三堂，練功夫好辛苦，我筋硬，要做踢腿動作，要再下苦功。」

文：影視組