對於日前黃秋生以主角身份出席首映活動，因沒有位坐指大會安排失當而嬲爆離場，有份出席的法拉坦言：「我唔覺好亂，淨係覺得好熱鬧。可能當晚冇劃位，觀眾入咗場先，藝人做完訪問入到去冇晒位，係因為反應太熱烈，唔關冇經驗事。」對於曾志偉讚她演技好，有機會提名女新人，法拉高興表示未想過志偉會讚自己，並給自己是次演出60分，覺得還有很多進步空間。另外，早前法拉與李思捷於多倫多出席舞動全城演唱會，兩人即席晒舞技及唱功，大受歡迎。

伍姑娘自爆劇集拍完之後去咗日本玩，點知晚晚瞓唔着，返港後左邊頸同左手都麻痹晒，睇醫生又睇唔好，她說：「我驚自己有情緒病，但最後原來只係香港天氣濕氣重，做咗個幾月拔罐、推拿先好番。」