陳奕迅（Eason）與謝安琪（Kay）的緋聞愈傳愈烈，Eason質疑香港人的智商、邏輯「失蹤」，不過他亦笑謂有意以跟Kay的合照來為自己新碟做宣傳。
Eason在台灣錄音期間，有傳何韻詩是Eason與Kay緋聞的放料人，又有說Kay助手出現在《國語力頒獎禮》替Kay暗捧Eason場，Eason昨出席《星光熠熠耀保良》記者會，被問到可相信阿詩是放料人時說：「我諗佢唔會。（佢有冇解釋？）唔需要，呢啲係好無聊嘅新聞！Kay助手去《國語力》又有得講，啲人啲智商、邏輯去晒邊？唔好講笑啦，好低能！（到咗不可收拾地步？）我唔Care，唔係一件值得思考嘅事。」
見面都會尷尬
Eason又主動談到Kay老公張繼聰被周刊狂踩，他覺得很有侮辱性，如自己畀人鬧，必定以「哈哈哈哈哈」來「五」笑置之。至於日後見到Kay可會尷尬？Eason說：「都會有少少，記者叫合照，個心態會係『做乜益你整多單新聞』，如果唔影又話有嘢，依家當幫Kay宣傳DVD囉，合照就留番我九月宣傳新唱片。」
張繼聰少見妻
此外，張繼聰為《現代塵世美》做配樂，笑言見張家輝多過見老婆，不過他認為兩公婆各有各忙可長期保持新鮮感。
而陳慧琳（Kelly）產後第一個大型表演，將獻給《星光熠熠耀保良》，監製賴偉棠大讚Kelly生完BB也保持到美好身段，兼且十分善心，向她作出邀請，即毫不猶豫一口答應。其實Kelly跟無綫關係十分良好，除產後「第一次」給無綫外，她去年結婚前的一日，也擔任無綫台慶亮燈儀式表演嘉賓。
文：影視組