拍劇傳不和的鄭嘉穎和王喜昨日齊齊到旺角為劇集宣傳，但抵埗後王喜即告「失蹤」，原來他「離隊」到街頭派發自製宣傳防火貼紙，而嘉穎則與其他演員齊齊派發防火單張，實行各有各宣傳。
嘉穎、王喜、黃宗澤、陳茵媺、李亞男等《烈火雄心3》演員昨日在旺角砵蘭街為劇集宣傳，吸引數百市民圍觀，大批市民更衝出馬路爭睹演員風采，交通一度癱瘓。嘉穎與其他演員到場後，即聯群結隊派發防火單張，但與他傳不和的王喜就獨自走到街頭派發自製的宣傳貼紙。
帶定紙巾塞耳仔
昨日有網民發起現身宣傳地「噓」嘉穎和胡杏兒，但卻未見他們的影蹤，相反嘉穎卻大受歡迎，所到之處皆被市民包圍。嘉穎對於有網民發起喝倒采行動，他笑說：「都好想見識吓，係咪真係有呢啲人呢？我都有帶定紙巾準備塞耳。」
對王喜離群派自製宣傳貼紙？嘉穎說：「冇留意，自己就同成班人一齊，其實達到宣傳效果就得，中間都傳過我哋不和啦，咪當係宣傳囉。佢派貼紙都係額外宣傳啫，對大家都好。」
直指擅自改對白
王喜被問到「離隊」宣傳？他說：「係監製叫我行去嗰邊，我聽指示咋。」王喜指派發自製貼紙也是得到監製同意，他說：「之前派剩咗，監製叫我拎埋嚟派埋佢，其實都係宣傳套劇，唔係咩個人嘢。」
此外，嘉穎昨日接受查小欣訪問時，講到與王喜鬧不和及對方擅自改對白，他說：「大家係同事，冇不和，但唔係每個同事都可以做到朋友。至於，改對白係有，只要唔影響對手就得。」
採訪：影視組