錢嘉樂、胡定欣、劉玉翠及監製潘嘉德等前晚為劇集《王老虎搶親》結局篇設宴。貴為男主角的嘉樂表示，飯局乃眾演員夾錢，但預料會自掏腰包墊底。問到會否開拍續集？嘉樂說：「要問監製，如果再反串，唔知大家頂唔頂得順？」
對於被傳與盈盈分手，嘉樂笑言要多謝傳媒送上生日「厚禮」，他謂：「都冇講過分手！（咁係咪情繫珊珊？）仲提嚟做乜？騷擾到人又傷害到人，好似沒完沒了咁，唔通人哋只得呢啲咩！（同盈盈咩關係？）朋友，蘇民峰話我今年冇咩變化。（係咪分手？）一切依舊，冇咁嘅事。」
另外，珊珊於網誌內剖白心情，暗指嘉樂在他生命中不是一位普通人，珊珊亦對傳媒指她愛夜蒲作出反擊，自言近兩年熱愛家中生活，一個月也沒有一次夜蒲紀錄。