出師未捷‧美國夢碎

或許在七小福中元華不是最好打的一個，但他的觔斗技巧無疑傲視同儕，打得又快又高，眾師兄弟也不得不俯首稱臣，連元華也對此絕技自鳴得意。有如此身手，元華歸功於于占元師傅的悉心栽培，他說：「我最怕就係師傅條藤條，一見到佢攞住條藤條就乜嘢動作都識做。」

元華的觔斗在行內享負盛名，踏出京劇戲台不久，他在電影圈即深受重用，連追求完美的李小龍也對他青睞有加，成為御用替身。

談到奇遇李小龍，元華喜不自勝的說：「我喺《精武門》入面飾演日本人，仲好幸運咁做埋李小龍嘅替身，因為有啲京劇、雜耍嘅連續翻觔斗動作佢做唔到，我就做佢替身。」

一說起李小龍，元華就滔滔不絕：「我同李小龍因功夫而結合，有時我都會去佢屋企一齊鑽研功夫，同佢一齊練吓功、度吓招，有時仲會飲茶傾吓偈！佢份人好nice、好真，全無架子，一個大明星唔需要對我咁好，不過佢就做到。」

元華自此泊上李小龍這個大碼頭，工作接踵而至，他跟李小龍又於電影《龍爭虎鬥》中合作，愈來愈得到這位巨星信任，後來李小龍邀請元華到美國打天下，可是李小龍猝逝，一切也變得不一樣。

亦師亦友‧獲益良多

元華慨嘆道：「原本李小龍諗住拍完《死亡遊戲》之後，就組班去美國發展，仲會帶十個人過去，當中包括我，不過佢未拍完套戲就過咗身，結果去唔成美國。」

美國夢未了，不過在李小龍身上，元華有很大得着，不但學會如何做一個好演員，也學到很多人生哲理。先遇于師傅，後遇李小龍，元華的人生絕不枉過。

（四十六）