阿詩日前到屯門石礦場拍攝新歌《舊約》MV，導演麥婉欣要她在沙堆中爬來爬去，又花費六位數字租借一輛吊臂車作拍攝之用。有畏高的阿詩硬着頭皮站在吊臂上，當吊臂升至五、六層樓高時，阿詩嚇到腳仔軟大叫救命，但依然冒死伸出半身拍照留念，工作人員笑她：「又要嗌又要影。」

在烈日當空下，阿詩還要扮瀟灑。	阿詩認真地與阿姐對稿。	阿姐、阿詩、還有瞓在地上的金剛為新劇在旺角拍夜戲。

之後導演加插爆破場面，要求阿詩企在爆炸的車子前面，阿詩笑說：「我真係搵命博，同架車相距唔係好遠，真係唔知佢爆炸力有幾大，只係聽到導演叫行就行，好險象環生。」幸好最終一take搞掂，她笑說：「如果NG就大鑊。（有冇買保險？）公司有買，只知我有乜冬瓜豆腐有七位數賠。」

旺角拍新劇

驚險鏡頭一個接一個，阿詩還要徒手弄熄火柴，她說：「雖然手指搽咗防火嘅嘢，都好驚囉。」拍攝MV當日天氣酷熱，氣溫高達三十四度，她熱到汗流浹背，在鏡頭前還扮一臉cool樣，鏡頭後即走到有瓦遮頭的地方。

此外，日前約凌晨一時，阿詩與汪明荃、金剛為無綫新劇《女王辦公室》到旺角取景，該場口是拍攝阿姐大喝瞓在地上的金剛，阿詩見阿姐七情上面，表現得有點驚訝，當導演一叫停機，她即拉着阿姐對稿，態度認真。

文：音樂組