張家輝、孟瑤及莫小棋日前到殯儀館拍攝電影《旺角監獄》。拍攝前，小棋拿着自備香燭到廁所拜神，孟瑤則將劇組給她的利是放到鞋中，孟瑤說：「我覺得身上要有啲紅色嘢，但啲衫又冇袋，所以先放喺鞋度。（驚有污糟嘢？）唔驚，我有白龍王師傅畀我嘅護身符。（佢有贈你兩句？）師傅叫我改掉臭脾氣，仲話舒淇以前都係，但聽佢話運程即轉好。」

張家輝在戲中患有精神分裂，難度雖然高，但對身為影帝的他駕輕就熟。	孟瑤為求安心，故帶着白龍王給她的護身符在身。	張家輝與陳麗雲在戲中不乏對手戲。

隨身帶備佛像

孟瑤透露在片中除會被姦外，更被迫當妓女：「戲中我只有六歲智商，有場戲講我畀人搞嗰陣，仲要繼續食漢堡包。」

小棋表示片中扮演孟瑤姐姐，遭遇較妹妹好：「我係自願工作，雖然都有畀人打嘅鏡頭，不過我已經慣。（帶埋香燭開工？）我有個隨身帶住嘅小佛像，無論去到邊每晚都會拜一拜佢。」

家輝休息湊女

片中飾演過氣蠱惑仔的張家輝，殺人坐監後患上精神分裂。家輝指拍畢該片後將休息一陣子：「拍完呢齣戲會抖吓先，呢段時間會畀晒個女。（唔拍劇？）唔係我唔拍，而係無綫一路改期所以未夾到，但係雜誌就話係我扮大牌，真係好慘。（介意夫妻檔？）介意呀！冇咁嘅必要！（有人搵囡囡拍廣告？）有，不過推晒，唔想佢太早接觸呢行。」

文：影視組