昨日是陳慧琳（Kelly）兒子劉昇（Chace）滿月之喜，因「豬流感」肆虐，Kelly與老公Alex決定只低調跟親人在家中吃飯慶祝，她說：「呢幾日開始食豬腳薑，媽咪、奶奶就開始煲雞酒畀我進補。湊仔真係好忙，但老公每日一放工返嚟就同我爭抱BB，可以連飯都唔食，佢抱住就唔肯放手。」
重九磅多的Chace跟Alex長得成個餅印，開始生眉毛，而長長的眼睫毛就似足Kelly，產前Kelly一直忙於灌錄新國語碟，有些歌曲已做好混音，Kelly即率先播給愛兒聽，更笑言：「等佢學國語嘛！仲會睇囝囝反應去揀邊首做主打！」
