雖然大會安排小豬和Jolin分開坐，但期間兩人卻不避嫌「自動埋堆」排排坐，而且不斷交談。之後Jolin再上台唱快歌時，當大會鏡頭再次影着小豬，小豬更打孖上，以兩隻拇指大讚「女友」唱得好！

影到拖手接吻先信

Jolin接受訪問時，表示奪五獎感到很開心，對於兩位緋聞男友同場，她大方的說：「好開心，兩個是個寶！有他們的場合都開心，緋聞都是笑話，大家是朋友有默契。」至於奪四獎的小豬，對於成為大會鏡頭焦點，坦言感到有點無聊，「兩年前已經係咁，如果S.H.E嚟都會係咁，我已經習慣。」對於Jolin跟潘瑋柏傳緋聞，小豬說：「係咩？朋友之間食飯好正常，除非被人影到手拖手同接吻先至係。（你冇畀人影？）留番喺屋企接吻同拖手，但我係冇女友。」