對於Yumi公園親熱一事，曾被對方狂插出攬枕意識不良的周秀娜（Chrissie）反為Yumi說好話，直言對方是個好女仔。昨日Chrissie與師妹A. Lin及DaDa等出席「涼浸浸大抽獎@朗豪坊」揭幕大典時，表示未有看過有關Yumi的報道，她說：「我同佢唔熟，唔清楚佢為人，但佢係個好女仔。（覺唔覺得影響o靚模形象？）我控制唔到人哋點睇同點諗。（佢話你出攬枕意識不良，但自己就被指援交，講一套做一套﹖）我做自己嘢，好難迎合所有人，佢哋講乜有佢哋嘅原因同目的，個報道我唔清楚，但我唔會做（援交）。（覺得心涼﹖）唔會，都未經證實。」
至於同場的Hailey C.反問男方是否Yumi的男友，又謂：「如果係，咁拍拖都好正常。（拍拖去時鐘酒店正常？）係咪經過門口咋！」