方力申昨日與朱凌凌、Mr.及Joey Tang出席apm商場舉行的「毒品NoNoNo」活動。小方很贊成學校向學生進行尿液驗毒，認為有阻嚇作用，他說：「以前我做運動員都要驗尿，仲要除晒衫褲企喺個男醫生面前小便，因為佢哋驚啲人偷龍轉鳳換咗其他人嘅尿液。（有冇尷尬？）一啲都冇尷尬，亦冇話屙唔出，因為我有尿頻。」
小方透露有不少男藝人選擇入廁格「方便」，但他堅持在尿兜解決，更稱：「我慣咗畀人望！」同場的Mr.亦呼籲青少年向毒品說不，又異口同聲表示：「染上毒品就會一無所有，搵啲嘢學令自己專注啲，咁就唔會有時間諗毒品，或者好似我哋咁，得閒喺band房吸吓塵。」
