張文慈（Pinky）前晚以師姐身份出席亞姐招募活動，穿着性感的她自覺露肉太多，但因配合工作而絕不介意。對於何超儀批評o靚模低賤，Pinky說：「睇吓佢入行行乜嘢路線，都唔可以一概而論，o靚模對我冇乜影響，各有各做啦！不過攬枕就過分咗少少。」
Pinky自爆以前曾有人出價七位數，邀名攝影師水禾田為她拍寫真，但最終未有成事。她謂：「因為驚所以冇做到，但我都唔知驚乜！我唔係驚身材唔得，可能係怕畀人定型，冇得翻身。哈……但依家知係冇影響囉！（有冇後悔？）初時有少少後悔。（依家出呢？）都幾十歲人，算啦！反而打算遲啲讀書，想讀珠寶鑑證。」
