顏子菲、袁小曼、筱靖、黃倩婷及陳莎前晚穿上性感裝束到蘭桂坊向「索女」招募，由於眾靚女波濤「胸」湧，吸引不少遊客、途人及龍友圍觀。其中有一名龍友竟將鏡頭瞄準眾亞姐胸部，幸而被亞視工作人員發現，即包圍一眾亞姐免被「攝胸」。當記者拍攝該龍友時，反而被他反拍，更追問記者他究竟做錯甚麼事。

馬國明有求必應，大方與途人合照。	右起：袁小曼、陳莎、筱靖及顏子菲到蘭桂坊為亞姐招募「索女」。	廖碧兒在人少地方單獨拍攝，不用與其他人逼。

自稱鍾情對方十年

碰巧無綫藝員馬國明、廖碧兒及黃長興等亦於附近為新劇《談情說案》拍外景，其中以馬國明最受歡迎，被不少遊客要求合照。但當亞姐大隊殺到，自稱鍾情馬國明十年的筱靖被慫恿過去跟對方合影時，無綫工作人員為免被人借以宣傳，即時拉隊走人，至亞姐大隊離開，他們才返回原地繼續拍攝。

對於「無綫人」避之則吉，無緣「親近」馬國明的筱靖失望地說：「我鍾意咗佢十年，真係好鍾意佢，見到想喊，只係想影張合照啫！但都走咗……」

袁小曼唔怕鹹豬手

另外，一眾亞姐以袁小曼的服飾最性感，問到怕不怕像鄭融般發生博懵事件？她說：「唔怕，蘭桂坊咁多人，好多人都好性感，有咁多工作人員喺度保護都唔驚。（最性感係你喎！）唔算。（平時都係咁？）喺澳洲算普遍，唔係好低胸，最緊要靚！」

文：影視組