Lavina、胡心諾、HotCha、Freeze、葉念琛、賈曉晨等前晚出席電影《義勇群英之毒蛇風暴》首映禮，Lavina扮戲中女角，穿上大低胸貼身皮衫性感現身，搶盡風頭，不過Lavina似乎不太受到現場嘉賓歡迎，葉念琛原本跟兩位同樣扮演戲中角色的女臨時演員合照，但一見到Lavina即閃，而石詠莉更開腔炮轟她！

Lavina指自己的一身造型很硬朗，似足安祖蓮娜祖莉。	近日的首映活動，總少不了一班o靚模撐場。	賈曉晨懶理是非，開心睇首映。

陳樂榣加把嘴

石詠莉前晚甫見記者即表示「有嘢講」，早前與Lavina約會被追訪的衣架大王之子William，原來跟石詠莉是朋友，石詠莉表示：「嗰件事令我朋友好唔開心，個女仔好卑鄙、好討厭，為見報出賣朋友，唔該佢收斂吓。」

在旁的陳樂榣亦不忘搭訕，指初初看新聞覺得Lavina家貧好慘，但窮都要窮得有骨氣，石詠莉續說：「依家我朋友好唔開心，唔敢識其他女仔，小心咗，（咁Lavina係咪搶人男友？）嗰件事（指約會）都已經係。（會唔會唔合作？）唔會合作，除非我朋友原諒佢。」

事後再冇聯絡

Lavina對於石詠莉的指摘大感愕然，並回應陳樂榣覺得她窮好慘：「我冇同人講過屋企，係記者想了解我，香港有六成人住公屋同好多單親家庭，唔使可憐我，（石詠莉話你出賣朋友！）我識William嘅時候，唔知佢有女朋友，同佢只係普通朋友，無深切了解，知道佢有女朋友會避忌啲，事後都冇聯絡，總之我行得正企得正，我對得人、自己同天地。」William昨接受訪問時，對於石詠莉狂數Lavina，他表示：「我同石詠莉係幾熟嘅朋友，佢前幾日主動打畀我問番件事，我都冇多提，可能佢見我依依哦哦，想幫我出頭啦，多謝佢關心，我冇嘢。」

文：影視組