莫鎮賢（Kan）去年推出一張英文音響發燒碟，甚得Hifi迷歡迎，他更獲邀明日在「香港高級視聽展」中舉行音樂會。對於進軍發燒碟市場，阿Kan表示：「依家香港樂壇都亂晒龍，連書展都變晒G模嘅世界。不過我年代嘅人都長大晒，佢哋反而追求高質素嘅音響，唔要花巧，所以唔係個個歌手都可以出發燒碟，唱功要零瑕疵，唔可以經過電腦嘅修飾。」
阿Kan又計劃於十月舉行音樂劇形式的演唱會，將自己過去二十多年在樂壇的經歷搬上舞台，希望帶給觀眾回憶。問到音樂劇中可會有梅艷芳和張國榮等角色？阿Kan坦言會有，但由誰來演繹暫時要賣關子，他又會邀請一位已淡出樂壇的歌手來演唱。
