近年在內地擔任節目主持人的Yedda，與鄭志恒的戀情疑幻疑真，早前她為本地珠寶品牌Kego拍攝新一輯廣告，以超Deep V紅色性感晚裝並配以百萬鑽飾，盡騷33C身材，更即場迷倒猛男跪地為她戴上鑽戒。

Yedda又自爆一直有追求者向她求婚，笑言唔憂嫁。她直言見到鑽石會動心，但問到鄭志恒有否向她求婚時，她即大耍太極說：「我估冇一個女仔係抵擋到鑽石呢樣嘢，見到就會好鍾意，（求婚要有大鑽石？）如果對方能力足夠，可以用佢嘅方式表達心意。（鄭生有冇送？）哈哈，我依家事業為重，都未諗幾時嫁，遲啲先啦。」

大開中門的Yedda為現場升溫，更電暈猛男跪地為她戴上鑽戒。

雖然有個富貴的緋聞男友，但Yedda不以為然，仍然落力工作。

新加坡追到香港

Yedda表示曾同時間獲五名追求者求婚，她說：「試過有個識咗好多年嘅新加坡朋友，未同過佢拍拖，佢email畀我話想同我結婚，想我做佢老婆，我以為佢講笑，點知佢第二日真係飛嚟香港，（感動？）唔感動，感覺好奇怪，淨係覺得好爆笑，自己真係冇諗過要同佢一齊。」

文：專案組