余思敏、衞志豪及鄭文是全港第一代的娛樂主播，經過台前幕後六年的努力，成功打造了娛樂主播這個行業。

陳貝兒	一姐陳貝兒離巢，余思敏笑言證明了大家的成功是有目共睹。

鄭文：熟過屋企人

他們回想起03年沙士肆虐，大家戴上口罩到有線電視面試，由剛畢業踏出校園，再一起接受公司安排的一系列訓練，轉瞬六年，他們已成為獨當一面的主播，同事之間更建立深厚的感情，鄭文說：「見大家多過見屋企人，對每個人嘅習慣都好熟，好似衞志豪一定要食飯，無論打邊爐、燒嘢食佢一樣要叫碗白飯，好搞笑㗎！」

余思敏：多人捱唔住

三位師兄師姐指現今全球經濟復甦中，加上o靚模風氣正熾，相信會吸引不少剛畢業，或者想入娛樂圈的人一試主播招募，對此，衞志豪說：「我哋今年都會負責面試，希望應徵者要有足夠心理準備，一定要捱得，我哋份工作要出鏡，但亦都要同記者一樣捱得苦，完全唔係嚟做o靚模㗎。」至於余思敏則說：「如果有人抱住做偶像、做明星嘅心態，我會勸佢咁樣做乜都唔會長久，咁多年都見過好多人捱唔住打咗退堂鼓！」

文：影視組　場地：帝苑酒店