Elanne自爆讀書時期，曾向同學表示拿成人身份證去登記結婚，她說：「但依家入咗行，有記者問我想幾時結婚，我會答廿三、廿四歲。之前同楊丞琳喺泰國拍戲，佢話女人最適婚年齡係卅五歲，呢個年齡嘅女人人生經歷多咗最有女人味，所以我又將個婚期延遲！」感情交白卷的Elanne不急於找另一半，她說：「我唔想咁早搵到，因為想人生經歷多啲，對雙方感情都好啲！」

曖昧關係難開花

日前Elanne在書中自爆有男藝人追求，但她強調該人不是周柏豪：「我想保障番人哋，所以唔會公開係邊個，總之當時我哋係處於曖昧關係，但對方忍受唔到我工作忙，要長期分隔兩地，所以最後都冇咗。」談到擇偶條件，Elanne揚言最怕「二世祖」，金錢在她心目中絕不重要，她要找的男人不但要有才華，還要專一及愛錫自己，Elanne謂：「唔使靚仔，最緊要錫我！」

情人眼裏出西施

Elanne好友瑪姬的擇偶條件首選要有上進心，她自爆讀中六時認識的男友，雖然被外間公認是「美女與野獸」組合，但瑪姬情人眼裏出西施，她說：「佢喺我心目中係最靚仔！」

文：音樂組