陳啟泰和黃宇詩首次合作歌舞劇《仙樂飄飄處處聞》，礙於兩人身份「尷尬」，前者為亞視一哥，後者則是大台無綫主持，二人坦言未有芥蒂，阿Ken說：「出嚟做嘢都唔會分咩台，而且我同宇詩本身都係司儀，反而多咗話題。」

陳啟泰對音樂充滿熱誠，早前小試牛刀在內地出碟，反應十分理想。

黃宇詩和陳啟泰雖分屬兩間電視台，卻未有因此受到限制。

遇着知音人

身為前輩的Ken更大讚宇詩工作態度認真，平日花不少時間作綵排，最令他意外宇詩也是唱得之人。至於本身熱愛唱歌的Ken直呼過足癮，他說：「今次最開心係可以又演又唱，其實我細細個已經開始玩band，呢個夢想我一直都冇放棄，今年喺廣州都出咗一隻碟叫《香港往事》，反應都好理想，依家傾緊出下一隻碟。」

逼妹妹錫面

至於宇詩亦有自己的夢想，近年她演出不少舞台劇，令她滿足感大增，她說：「聽到觀眾啲掌聲已經好滿足，加上今次同好多小朋友合作，佢哋嘅童真感染咗我，（想生番個？）咁又唔會，只係多咗愛心，我仲強迫一個小妹妹錫我面珠添！」

文：專案組 攝：馬永堅