法拉、天華首度合拍電影，戲裏二人有不少武打動作鏡頭，天華想不到法拉身手如此敏捷，大讚她有潛質轉型做「打女」。　

手插玻璃唔覺痛

初跳入大銀幕的法拉，要應付的動作鏡頭又多又難，拍攝期間更因而受傷，但她冇有怕，還愈打愈過癮，有興趣轉型做「打女」：「今次拍戲有好多驚險場面，例如槍戰、武打及跳躍等鏡頭，每次拍畀人打都係真打，好有真實感。（辛唔辛苦？）好鍾意，因為拍劇未試過。（有冇試過受傷？）撞腫一定有，有個鏡頭要我用手掃晒枱上嘅嘢落地，點知拍完先知頭先掃嘅時候，隻手唔小心插咗玻璃，因為拍得太投入，竟然唔覺得痛。」做打女，更可嘗試不同的拍戲經歷。

天華讚法拉好咀

除了動作鏡頭外，法拉與天華亦有咀戲，天華更大讚與法拉拍咀戲感覺甚佳：「佢幾好咀吖。」談及新戲的票房，二人異口同聲說信心十足，天華說：「我唔係新人，唔係第一次拍戲，對手又都合作過，我已經盡最大努力，對觀眾已有交代，部戲能夠成為暑假檔電影已經好開心，冇諗過票房。」

文：影視組