於今年書展爆發了一場頗為矚目的o靚模寫真大戰，可是有「A貨Janice Man」之稱的顏后君（Ceci）卻沒有跟隨大隊「參戰」，她表示：「之前公司都有傾過書展嘅活動，但我覺得唔係好時機，唔係人人做乜就要跟住做。（競爭大？）咁又唔係，做邊行都有競爭，最緊要自己有實力。」
Ceci又表示自己準備行另一條路闖入娛圈，她說：「我依家都學緊結他，基本嘅自彈自唱都冇問題。」
早前Ceci因右眼長期痕癢而求醫，醫生檢查後向她表示右眼太乾，她說：「醫生話我長期唔夠湯水所以有眼睛太乾情況，我起初都有啲擔心唔知隻眼會點，之後食咗藥先好啲。」Ceci又表示為了讓雙眼休息而推了整整一星期的工作，她坦言金錢上亦有損失！
場地：L16 Cafe & Bar