Mr.成員Alan、Dash、Tom、MJ及Ronny日前接受本報訪問，對於創作了新歌《Mr.Tam》給阿倫，成員Alan說：「首歌係講我哋心目中嘅譚校長係點樣嘅人，佢喺我哋心目中擁有頂級地位，性格好豁達，又教曉我哋好多嘢，所以我哋想用呢首歌瞓身去歌頌佢！」不過阿倫有感「歌頌」自己感覺奇怪，故急召Mr.到錄音室一同錄製新歌。Mr.有幸跟阿倫合唱，就連發夢也估不到。

主音Alan表示他們的父母都是聽阿倫的歌長大，他們從沒想過自己兒子會作歌給阿倫，所以父母知道後亦感驕傲。

唔好怕蝕底

阿倫不但盛讚Mr.，更形容他們是「小溫拿」，他說：「睇見佢哋好有當年溫拿影子。」受寵若驚的Mr.即時瞪大雙眼你眼望我眼，開心得說不出話來，阿倫見狀即訓示五子：「你哋喺娛樂圈經驗尚淺，但唔緊要，最重要係勤力，唔好怕蝕底，畀人睇到有進步即代表你哋有誠意，機會自然會嚟。」

攝影：馬永堅 採訪：音樂組

場地：麗悅酒店@The Nooch Bar