高志森昨率女友焦媛和張達明出席舞台劇《容易受傷的女人》記者會，適逢高志森昨日生日，焦媛送上印有自己靚相的攬枕，氹得高志森笑言與焦媛經常因工作分隔兩地，攬枕可「望梅止渴」。焦媛則指這份禮物「獨家」留給男友，問她為何不公開發售，焦媛衝口而出謂：「咁咪好cheap？」
問兩人何時拉埋天窗？高志森謂：「有排啦，佢喺舞台上有兩樣嘢未做，一係剃光頭，二係正面全裸，如果做咗『高太』，佢嘅創作自由一定冇咁大啦。」暗示現階段不會限制女友的藝術行為，難怪焦媛笑言：「如果唔係點解要揀佢呀？」
張達明亦澄清高志森偏心焦媛之傳聞：「焦媛係被安排唱多兩首歌，不過我都加咗好多對白啫。」高志森亦插嘴說：「全劇得兩個演員，點解仲要傳啲咁嘅嘢？」