兩對緋聞情侶薛凱琪（Fiona）、方大同和張敬軒、王菀之前晚錄影《勁歌金曲》，近日有報道指Fiona於去年在九龍塘購入兩個單位，並打通成為「私竇」，她前晚回應時說：「我係同屋企人住，點叫做私竇。（升值？）係升咗，不過我用嚟自住，唔會炒。（第時老公有樓先嫁？）唔會，我愛佢唔係愛佢層樓，唔好咁現實！」
至於張敬軒被問到好友謝安琪（Kay）日前被網友惡搞，把她一眾走音的片段剪成一段時，軒仔幫口謂：「我同佢同台演出嗰次係我自己入錯key，所以阿Kay先錯。（Kay唔只一段走音？）生完BB係要時間復原嘅，我知佢好努力，負面新聞亦對佢有壓力，佢係聲帶疲勞，畀啲時間佢。」
