阿佘得知子華的棟篤笑快將開鑼，便即場求飛，令子華無奈苦笑。事後子華笑說：「我依家爭落好多飛債，要睇吓佢（阿佘）攞嚟做咩先，呢個人有時好等錢使！（戲外都等錢使？）每日問我拎四張飛仲唔係等錢使！」子華又稱其時間表已排滿了，故未來兩年都不會拍劇集，問他是否籌備婚禮？他說：「結婚用半日就夠，其他事可以搵人搞㗎嘛！（有計劃？）冇呀，不過有人話我已經結咗婚。」

問到被緋聞男友鄭嘉穎趕落車一事，阿佘即維護愛郎說：「我唯一可以講嘅係嘉穎係個好有風度嘅人，佢唔會做啲咁嘅事，我只當娛樂新聞咁睇，不過佢就慘啲，依家幫佢澄清咗就算喇，冇嘢可以講。」阿佘指跟嘉穎屬好朋友關係，又謂對方曾接載過自己，不過並不是經常。