洪卓立以大師兄身份，率領兩位師弟妹詩雅及陳家樂拍攝英皇電影《很想和你在一起》，三人於片中大玩三角戀，雖然大部分親密戲份由洪卓立上陣，家樂極其量只能與詩雅攬腰，但洪卓立也並非享盡溫柔，因導演安排一場他向詩雅示愛戲份，最後卻換來被狠摑十次之多，認真慘情！

連摑十次面不改容

由於詩雅演出經驗尚淺，故洪卓立於拍攝前已向師妹派定心丸，着她用盡全力掌摑，沒料師妹真的很聽話，連摑十次也面不改容，不過洪卓立則被摑至雙頰紅腫，狀甚可憐，他謂：「既然要打梗係要逼真啦！咁先可以保持到嗰股嬲怒情緒，我真係差啲想叫佢手下留情㗎！估唔到佢咁狠，完全可以感受到佢拳功有幾深，學慣拳果然唔同呀！」

觸動情傷喊到眼腫

詩雅亦感到相當內疚，表示事前不知對方要「捱打」，更謂：「我都唔好受，因為要做出被欺騙感情嘅表現，咁拍嗰時角色又牽動到以前自己愛情經歷，一時感觸下係咁喊，搞到最後要敷冰去眼腫。」

至於同場出現的家樂雖然沒有受苦，但卻於現場「見紅」，他謂：「那場戲講Benz雄（許紹雄）教我向詩雅求婚，點知開機時我突然流鼻血，Benz雄就講笑問係咪佢搞到我流鼻血咁勁，其實我係熱氣啫！唔知仲以為我有咩大病，真尷尬。」

文：影視組