陳偉霆（William）昨日出席月餅活動大跳moonwalk食月餅，面對大會安排與緋聞女友Angelababy「撞名」的三位「冰Baby」，雖然William表示不怕Baby呷醋，但笑容僵硬，影相時亦保持距離，更寧揀月餅也尷尬地不敢揀喜歡哪位Baby，至於會否送月餅給Baby？他說若有贊助會送畀朋友，更承認已見過Baby的家長。
William曾有兩個難忘中秋節，試過獨食整盒月餅至食滯入院外，另與家人玩燈籠時成個天台的燈籠着晒火，要驚動消防員，結果畀阿媽鬧足成年！William盼望今年中秋能與家人度過，至於會否與Baby曬月光？他說：「唔喇，留畀屋企人。（請佢去你屋企？）唔會喇，佢都有屋企人，如果佢嚟都會歡迎。（追月陪Baby？）可能都要開工，又難夾時間。」