首度訪港宣傳新碟的澳洲歌手Lenka，日前接受了本報訪問，指今趟行程緊密，未有太多時間購物。對於亮相《勁歌金曲》，她大讚指：「好得意，美國同澳洲都冇呢類一大班歌手排排企唱歌的節目，雖然我唔知佢哋講乜，但氣氛好輕鬆似開玩笑。」
她亦自言除了學得幾句標準廣東話外，更私下學了廣東粗口，但拒作示範教壞細路。出身於電子樂隊的她，指有可能推出跳舞大碟，但卻想保持自己童真路線，不想死跟Lady GaGa的路線。
現居洛杉磯的Lenka，提到當MJ離世時正身在當地：「初時感到難以置信，但慢慢就覺得呢件事都幾煩，追悼會那日市中心塞住晒，最唔鍾意個個都出嚟話自己有幾鍾意MJ，我覺得啲人唔應該趁呢個時候博出名。」她又指在表演綵排時，亦曾與樂手Jam了MJ的歌，但未有打算公開唱MJ歌向他致敬。