Kelly於上月十日誕下六磅重兒子Chace，轉眼間BB快滿月，Kelly接受電話訪問時喜悅地說：「Chace依家九磅嘞，佢好大食，每二、三個鐘就要食一次奶，仲好鍾意我同佢傾偈，每次都依依哦哦，眼仔碌碌望住我。佢個樣好sweet，成日笑，愈嚟愈似老竇Alex。」對於收身計劃，她笑說：「醫生話呢兩個月唔做得運動，等傷口復原，自己都冇特別keep fit，不過湊仔已經係好好運動。」

豬腳薑饗親友

仍在坐月的Kelly，日日在家陪囝囝，陳媽媽和奶奶則輪流煲花膠、魚湯助Kelly谷奶餵BB。Kelly表示BB滿月當日，一家人在家食飯慶祝，亦準備了豬腳薑、紅雞蛋招呼親友，而美心更贊助逾千盒杏仁條代替雪茄，Kelly說：「雖然生仔傳統係派雪茄，但食煙唔健康，所以我會送杏仁條畀親友、fans同傳媒。」

暫定九月復工

雖然Chace未滿月，但已有很多廣告商向他招手，卻全被Kelly推卻：「唔考慮幫佢接廣告，唔想佢成日曝光。」

而母愛氾濫的Kelly為專心湊仔，單在八月已推掉多個剪綵、大陸和美加的登台騷，據知損失達七位數，她說：「暫時唔會接job，暫定九月先復工錄國語碟。」

採訪：音樂組