阿Sa一向走在時代尖端，每次出現均會悉心打扮，日前阿Sa和形象顧問Yann於電台節目中暢談合作趣事，阿Sa自爆母親十分擔心她會亂花錢購買衣服，但了解形象顧問會為她搜購合適的服飾後則很放心，她更透露：「入行之前我嘅夢想係成為一位時裝設計師，依家我都習慣將新買返嚟嘅衫加工同改良，希望將自己嘅風格注入新衫裏面！」

歸功形象顧問

大部分藝人均擔心於出席活動時會和其他人撞衫，但經常為服飾改頭換面的阿Sa卻表示不會理會，她信心十足表示：「我同Yann會用特別嘅襯衫方法，所以好少機會會百分百撞衫！」對於Yann，阿Sa更是有讚冇彈，更表示感到十分驕傲，她說：「工作時見到其他歌手，大家除咗講音樂就講時裝，佢哋有時讚我啲衫，我都會話係形象顧問Yann做嘅！」

自嘲口齒不清

另外，阿Sa平時出席活動均會打扮得一絲不苟，問她私底下在家會否只穿內衣褲通屋跑？她說：「好耐冇試過！」至於初出道時被批評口齒不清，她笑言：「我依家都係㗎，之前試過讀報紙同咬酒塞練習，依家睇番以前拍嘅戲都要睇對白先知自己講咩！」

文：音樂組