何詩、汪明荃（阿姐）、吳卓羲（Ron）等昨為無綫新劇《女王辦公室》在旺角商場拍外景，眾人都分別以女王、公主、雞公仔等特別造型出現，玩味十足。

影靈異寫真

阿姐的女王look感覺端莊，Ron的雞公仔造型則可愛，而何詩的「長平公主」造型就有大突破，就連她唱片公司的同事也忍不住狂笑，何詩亦不停自嘲：「成個老妖咁，今次真係大突破，監製唔怕收視直線下跌，好大膽，我都覺得自己靚爆鏡，所以帶埋相機諗住去九龍公園啲亭台樓閣影埋寫真，係靈異嗰隻！演唱會海報都用佢呀，（出紀念品？）唔使去到咁盡嘛，不過都可以考慮下。」玩得的何詩為配合「攞膽」造型，不停古裝甫士讓記者拍照，還說：「好影多兩張喇，千載難逢嘅機會！」

絕不敢遲到

而在身上套上雞公仔的Ron，直言今次扮雞最出位，記者指他此用字頗敏感，問他是否扮G模？Ron笑言：「點解呀？我冇攬枕喎，不過我係一個畀杜汶澤、陳山聰攬嘅公仔，阿姐都攬得。」他又謂今次跟阿姐合作絕不敢遲到，而阿姐亦對他很好，不時請飲「阿姐靚湯」。

文：影視組　攝：唐豁莊