鍾舒漫（Sherman）、周柏豪和李卓庭昨日以校服look到電台勉勵會考生，可惜Sherman一頭金髮、穿露背上衣襯格仔熱褲、戴鼻環，李卓庭則紅髮配黑色boot，周柏豪則穿灰直條恤衫、藍色呔和黑色西褲，三人都不約而同「不合規格」示範壞榜樣。
Sherman說當年會考考獲雙位數，但最後還是到英國升學：「媽咪帶我去啲搞外國升學嘅機構，睇到錄影帶片段好吸引，覺得外國生活多姿多采，又多靚仔靚女，就過咗去，點知去到唔係嗰回事，但我起碼有見識過，都冇後悔！」周柏豪當年會考只得單位數，成績不如理想，所以壓力很大至不敢上街。
