A. Lin昨日以熱褲上陣行商場騷，吸引近廿名男fans到場舉牌助威。對於有指她在Blog上以粗口表示對母校的不滿，A. Lin承認該網誌是屬於她本人，但就否認有用粗俗的字眼：「個網誌係好耐之前，已經兩年冇用，我都有Private到個網誌，冇打粗口，冇寫過咁嘅內容！」
至於被公開與舊男友在床上的自拍照，A. Lin澄清說：「個男仔係我好耐好耐之前嘅男朋友，全部都有着衫，好普通。」A. Lin又謂有部分被刊登的照片不屬於她，問她會否遭身邊人出賣？她表示不會懷疑任何人，但日後會小心，又謂相信fans會體諒。
